Bandaríska geimvísindastofnunin, NASA, sendi geimfara til tunglsins á 7. og 8. áratugnum í nokkrum leiðöngrum sem nefndir voru eftir Apollo, guði sólar og tónlistar í grískri goðafræði. Þessar ferðir voru farnar í vísindaskyni í nafni alls mannkyns og víkkuðu sýn okkar á alheiminn og stöðu okkar á jörðinni. Geimfararnir höfðu meðferðis myndavélar og ljósmynduðu í bak og fyrir allt sem fyrir augu þeirra bar. Þetta myndasafn varð svo fyrst aðgengilegt almenningi fyrir nokkrum árum, en myndirnar eru um 14.000 talsins. Myndirnar eru mjög misjafnar, allar teknar í vísindalegum tilgangi en margar hverjar listaverk út af fyrir sig. Mér fannst hver mynd vera að segja mér eitthvað ákveðið, ekki endilega bara frásögn heldur kallaði hver og ein þeirra fram mismunandi tilfinningar, jafnvel tónlist. Ég greip þessa hugmynd á lofti og ákvað að hver einasta mynd í þessu safni ætti að eiga sitt eigið tónverk. Með því að nota forrit sem greinir myndir bjó ég svo til litla vefsíðu þar sem hægt er að flakka í gegnum myndasafnið í handahófskenndri röð og um leið semur tölvan lítið lag byggt á innihaldi myndarinnar. Þessi plata geymir útsetningar á fjórum þessara mynda, lög sem höfðuðu til mín þegar ég var að hlusta af handahófi á myndirnar. Ég vona að platan hjálpi þér að skynja veröldina í stærra samhengi og næst þegar þú horfir á tunglið þá kannski heyrirðu lítið lag innra með þér.
— Halldór
credits
released October 18, 2019
Hljóðfæraleikarar
Marimba og víbrafónn: Svanhildur Lóa Bergsveinsdóttir
Einleikur á selló: Þórdís Gerður Jónsdóttir
Slagverk: Matthías Hemstock
Fimbulorgel og slagharpa: Halldór Eldjárn
Upptökur strengjakvartetts: Albert Finnbogason
Upptaka og hljóðblöndun: Halldór Eldjárn
Möstrun: Friðfinnur Sigurðsson
Grafísk hönnun: Albert Muñoz, Halldór Eldjárn
Vínylpressa: handlewithcare.international
Upptökur fóru fram í Stúdíó Mosfellsbæ, Mengi, FÍH
og Hörpu 2017, 2018 og 2019
Öll lög eru forrituð, samin og útsett af Halldóri með dyggri aðstoð algoritmanna.
Myndirnar eru fengnar að láni frá NASA.
Verkefnið er styrkt af Menningarsjóði FÍH og öllum þeim frábæru mannverum sem hétu á verkefnið á Karolinafund.
Vefsíða: pocoapollo.hdor.is
Útgáfa: Mengi Records
Takk: Katla, Hildur, Úlfur & Ari, pabbi & mamma,
Óli Arnalds, Matthías Hemstock, Þórdís Gerður Jónsdóttir, Daníel Helgason, Kristján Eldjárn, Stefán Finnbogason,
Agnes Björt Andradóttir, Haraldur Þrastarson, Neptúnus,
Albert Finnbogason, Albert Muñoz, Skúli Sverrisson,
Bjarni Gaukur, Colm O‘Herlihy, Guðmundur Ari Arnalds, Ragnheiður Elísabet, Mengi, Trýna, NASA, tunglið, Karolinafund styrktarfólk og öll hin sem komu að gerð plötunnar og hjálpuðu á einn eða annan hátt.
Halldór Eldjárn is an Icelandic musician and a programmer. His music is a collision of the technological and the organic
electronic worlds. Synthscapes, fast rhythms and unusal sounds, together forming a vibrant atmosphere of what the future might sound like....more
Composer Joe Acheson's "imagined orchestra" creates highly detailed soundscapes replete with sounds both organic and synthesized. Bandcamp New & Notable Sep 21, 2023
The Practical Records label head's solo project is a dance dreamscape, imagined territory where anything is possible. Bandcamp New & Notable Oct 3, 2018